(A City for Everyone — Cantonese Translation)
列治文山擁有理想郊區的一切條件——優美的住宅、頂尖的學校，以及各式各樣的生活配套。然而只要你問問居民，總會聽到一句熟悉的說話：「冇乜嘢好做。」一個擁有如此多資源的地方，點解會令人覺得沉悶？答案唔係人口多少，亦唔係娛樂活動數量，而係隱藏喺我哋點樣移動、聚集同體驗城市之中。
列治文山係一個宜居城市：住宅敞大舒適、社區寧靜、學校優質，社區設施又多樣：商場、公園、餐廳、圖書館同社區中心都係大家心目中有一席之地嘅目的地。但唔少居民都話，咧座城市有一種同多倫多唔一樣嘅「沉悶感」。點解會係咁？
多倫多嘅優勢唔只在人口多，或者有大把活動、演唱會同景點，而係在於可步行性（walkability）——啲人可以喺安全、舒適又有趣嘅環境之中，喺短時間內走到去多個目的地。
喺一個可步行城市裏面，人哋可以輕鬆四圍行走、隨意瀏覽，而唔需要預先計劃或者作出承諾先至出行。你唔使惗定出門目的或身份角色，亦唔需要一定同人互動。朋友之間可以即場協調喜好、隨時改變計劃，大大增加搵到啱大家地方嘅機會。更重要嘅係，漫步同觀察周圍環境，本身就係令人成為城市生活走廊入面嘅一部分——一個不斷變化、充滿聲音同畫面嘅社區環境體驗，本身已經就成為係個目的地。
公園、大學校園、商場同歷史街道之所以吸引，正正因為佢哋具備可步行性。行路本身已經係主要活動，而發現有趣事物只係額外收穫。
「我哋唔需要起大量公寓大樓，或者犧牲住宅面積，先可以做到可步行。」
喺列治文山，除咗市中心（歷史舊鎮嘅中心）一帶，大部分去嘅目的地都係沿住區域性幹道（俗稱大街）而建，設計上係服務更大範圍人口。地方之間距離更遠、停車場更大、道路更闊。呢啲地方都係係為咗高效率出入而設計，但係缺點亦好明顯：
一般居民需要開車先可以去到感興趣嘅地方，因此每次出行都要花時間計劃，團體出行更加難協調。如果揀嘅目的地唔理想，下一個選擇可能喺城市另一邊。
擁有固定興趣同日常路線嘅居民，喺列治文山會過得幾好；但想探索城市嘅人，就會面對重重困難。「冇嘢好做」其實係一個自然結果——問題源於一個難以令人連帶發掘新地方、認識新朋友嘅城市規劃，而最深受其害嘅，往往係年輕人一代。
既然可步行性好處咁明顯，點解我哋一直冇集體推動？
我哋對可步行性嘅理解，往往來自二元嘅思維：一唔係就揀住大屋、享受寧靜社區，但犧牲步行便利；要唔就搬去高密度市區先有步行生活。但其實咧個唔一定要二選一、魚與熊掌係可以兼得。
正如 橡樹嶺Oak Ridges、Mill Pond，或者區內一啲富裕又宜居嘅社區——例如康山Thornhill、於人村Unionville、Rosedale、Forest Hill、湖灘The Beaches——都證明：可步行社區，係唔需要一定起公寓塔樓、抑或縮細住宅，都可以做到。喺列治文山推動步行化，唔一定係會打亂居民既有生活模式，亦唔會破壞社區寧靜特色。
當規劃得宜，可步行性只會強化城市特色，令城市更加吸引。
如果未能提供可步行空間，咁咧個列治文山嘅規劃其實係喺社交同經濟層面上辜負咗居民，特別係年輕世代嘅福祉。我哋需要善用喺現有嘅地方，以高可步行（或可踩單車）嘅走廊將佢哋連接起來，以鼓勵附近居民覺得方便、安全地使用。
我哋亦需要吸引更多商業進駐——酒吧、餐廳、雜貨店、遊戲中心、藝術商店、高爾夫模擬場、活動中心，甚至找換店——並且設喺貼近居民生活嘅位置。
我哋其實也有如央街（Yonge Street）同各社區嘅商業街道為可塑之材。應該係時候更加重視呢啲地方嘅環境改善，建設一個真正屬於所有人嘅城市。